Проектот „INCLUDE – Инклузивно лидерство и демократско учество на лицата со попреченост“ е 24-месечен европски проект, реализиран во рамки на програмата Citizens, Equality, Rights and Values (CERV) на Европската Унија. Проектот се спроведува преку партнерство на седум организации и институции од шест европски земји – Австрија, Португалија, Италија, Малта, Словенија и Северна Македонија, со учество на Здружението Икуалити како партнер од Македонија.
Мисија
Проектот INCLUDE има за цел да го зајакне активното демократско учество, лидерството и застапувањето на лицата со попреченост, преку развивање на нивните капацитети, надминување на бариерите за учество и поттикнување поинклузивни процеси на донесување одлуки.
Преку едукација, менторство, институционална соработка и размена на европски искуства, проектот придонесува кон создавање еднакви можности за лицата со попреченост активно да учествуваат во општествениот и политичкиот живот и да преземаат лидерски улоги.
Активности
1. Истражување и консултации со засегнатите страни
Спроведување фокус-групи, институционални консултации и истражувачки активности за идентификување на бариерите, постојните практики и можностите за поголемо учество на лицата со попреченост во лидерството и процесите на одлучување.
2. Развој на Прирачник за инклузивно претставување
Подготовка и тестирање практичен Прирачник (Toolkit on Inclusive Representation) со насоки, алатки и добри практики за институциите, локалните власти и граѓанските организации.
3. Обуки за лидерство и менторска поддршка
Организирање пристапни обуки и менторски активности за зајакнување на лидерските вештини, самозастапувањето, самодовербата и активното граѓанско учество на лицата со попреченост.
4. Јавни настани, подигнување на свеста и институционална соработка
Реализација на информативни активности, јавни конференции и соработка со носителите на одлуки, со цел промовирање инклузивно лидерство и поголема застапеност на лицата со попреченост во демократските процеси.
Целни групи
Проектот е наменет првенствено за лица со попреченост, со посебен фокус на жени, млади и лица изложени на повеќекратна дискриминација.
Дополнителни целни групи се општини, јавни институции, креатори на политики, носители на одлуки и граѓански организации, кои имаат значајна улога во развивањето и спроведувањето инклузивни политики и практики.
Донатор
Проектот е финансиран од Европската Унија, преку програмата Citizens, Equality, Rights and Values (CERV).
Место на имплементација – територијален опфат
Проектот се спроведува во шест европски земји: Австрија, Португалија, Италија, Малта, Словенија и Северна Македонија.
Активностите на Здружението Икуалити се насочени кон вклучување на лица со попреченост, институции и граѓански организации од цела Македонија.
Временска рамка
Времетраење: 24 месеци.
Повеќе за проектот:
INCLUDE – Инклузивно лидерство и демократско учество на лицата со попреченост
