Здружението Икуалити, во соработка со Stowarzyszenie Rozprawy o Europie и Ayuntamiento de Alzira, ги повикува сите заинтересирани социјални, здравствени и образовни професионалци кои комуницираат, асистираат и работат со млади лица со попреченост, да аплицираат за учество на вториот транснационален камп „ЈАС, ТИ, НИЕ, ТИЕ МОЖЕМЕ“ во Алзира, Шпанија.
ЗА КАМПОТ
Овој работен камп е дел од меѓународниот проект KA210-YOU „ЈАС, ТИ, НИЕ, ТИ МОЖЕМЕ“ имплементиран во партнерство од страна на Здружение Икуалити (МКД), Stowarzyszenie Rozprawy o Europie (ПЛ) и Ayuntamiento de Alzira (ШПА). Проектот „ЈАС, ТИ, НИЕ, ТИ МОЖЕМЕ“ ќе овозможи размена на иновативни и инклузивни практики и методологии во пристапот, комуникацијата и работата на социјалните, медицинските и образовните професионалци со млади лица со попречености, дури и во недоволно развиени услови, во сите три земји-партнери – Македонија, Полска и Шпанија. Во фокусот на проектот е професионалците во засегнатите области да се стекнат со ефикасни инклузивни алатки и пристапи за комуникација, пристапување и работа со млади лица со различни попречености. Централно место во овие здружени напори ќе земе и ко-креирањето на „Прирачник за поддршка олеснување на социјалните, медицинските и образовните професионалци во работата со млади лица со попречености“, чие креирање ќе произлезе директно од животните искуства и низ процесот на заедничко учење.
Во текот на 5 работни дена, учесниците ќе се вклучат во практични работилници и ќе развиваат заеднички практики, користејќи ги методите на „учење преку практики“. Сите учесници ќе учествуваат во интерактивни студиски посети на локални организации кои ги поддржуваат и им помагаат на лицата со попреченост, ќе разменуваат позитивни практики и ќе се здобијат со нови перспективи преку дијалог со локалните професионалци, лица со попреченост и лица вклучени во процесот на донесување на одлуки.
🗓️ 15 – 19.09.2025г.
📍 Алзира, Шпанија
✍️ ЗОШТО ДА УЧЕСТВУВАТЕ?
Овој транснационален камп ќе овозможи:
- меѓусекторска соработка за подобрување на социјалните, здравствените и образовните услуги во пристапувањето, комуникацијата и работата со млади лица со различни попречености, на инклузивен начин;
- можности за учесниците да се стекнат со практични вештини и инклузивни методологии;
- простор за професионална и културна размена и создавање на долготрајно влијание преку споделување на позитивни и иновативни практики;
📢 КОЈ МОЖЕ ДА УЧЕСТВУВА?
Бараме 2 мотивирани професионалци кои работат со млади лица со попреченост во социјалниот, медицинскиот и здравствениот сектор од Македонија / Полска / Шпанија кои имаат желба да дадат свој придонес во размената на искуства и практики.
ПРАКТИЧНИ ИНФОРМАЦИИ
– сместувањето, патувањето и дополнителни предвидени трошоци ќе бидат покриени од проектот за сите избрани учесници од земјите партнери.
– пристапноста ќе биде обезбедена на сите локации вклучени во програмата.
КАКО ДА АПЛИЦИРАТЕ?
Сите заинтересирани учесници од Македонија можат дa достават писмо за изразување на интерес (максимум 1 страна) и биографија на следниот мејл: equalityskopje@gmail.com
Рок за аплицирање: 19.08.2025
За учесници од Полска, пријавувањето е на следниот линк: Open Call – Poland
За учесници од Шпанија, пријавувањето е на следниот линк: Open Call – Spain
🔗 ПОВЕЌЕ ИНФОРМАЦИИ преку е-маил или посетете ги нашите страници на социјалните медиуми:
Instagram: Equality NGO, Rozprawy o Europie, Alzira On Europe
Facebook: Equality NGO, Rozprawy o Europie, Alzira On Europe
Бидете дел од креирањето на поинклузивни услуги и градењето на подобра заедничка иднина!
*Проектот е кофинансиран од Европската Унија, поддржан од Националната агенција за европски образовни програми и мобилност, имплементиран од Здружение Икуалити во соработка со Stowarzyszenie Rozprawy o Europie и Ayuntamiento de Alzira.
